Sæbraut er lokuð til suðurs við Miklubraut vegna umferðaróhapps. Frá þessu er greint á vef Vegagerðarinnar. Þá sagði á síðu lögreglunnar að Reykjanesbraut væri lokuð í suður frá afrein upp á Miklubraut og frárein frá Miklubraut niður á Reykjanesbraut.

Á vef Ríkisútvarpsins segir að ástæðan fyrir lokuninni sé vegna þess að sendiferðarbíll frá Stjörnugrís valt en í bílnum voru hundruð svínaskrokka sem dreifðust um veginn.

Heimildarmaður DV segir að röðin sem hafi myndast vegna slyssins hafi verið margir kílómetrar og lögregla hleypti bílum áfram í hollum. Búist er við að vegurinn opni fljótlega en verið er að flytja svínaskrokkana í gám.