Rétt fyrir miðnætti var óskað eftir aðstoð lögreglu vegna karls og konu sem reyndu að ræna tölvu af hótelstarfsmanni í miðbænum. Ógnuðu þau starfsmanninum með hnífi.
Í skeyti frá lögreglu kemur fram að þau hafi verið handtekin skömmu síðar. Var parið í annarlegu ástandi eftir að hafa neytt fíkniefna. Karlmaðurinn var með hníf og fundust fíkniefni á manninum.
Var parið vistað í fangaklefa í nótt vegna málsins og yfirheyrð í morgun.