Guðmundur Ellert Björnsson sem hefur um árabil starfað fyrir Barnavernd Reykjavíkur hefur verið úrskurðaður í gæsluvarðhald til 9. febrúar. Þetta kemur fram í tilkynningu frá lögreglu. Lögreglan hefur verið gagnrýnd vegna málsins en ljóst er að í nokkur skipti létu þolendur og aðstandendur lögreglu vita af meintum kynferðisbrotum. Í yfirlýsingu frá lögreglu segir að yfirvöld hafi tekið til ítarlegrar skoðunar hvað fór úrskeiðis og af hverju rannsókn dróst á langinn. Í skeyti lögreglu segir:

„Sýnt þykir að mistök hafi verið gerð og harmar embættið að sú hafi verið raunin. Jafnframt er unnið að frekari greiningu á þeim 170 málum sem nú eru til meðferðar og rannsóknar hjá kynferðisbrotadeild LRH, ekki síst m.t.t. forgangsröðunar. Skipaðir hafa verið tveir hópar hjá embættinu til að sinna þessu verki undir stjórn Karls Steinars Valssonar, yfirlögregluþjóns og tengslafulltrúa Íslands hjá Europol.“

Eftir að greint var frá nafni Guðmundar í fjölmiðlum lokaði hann Facebook-síðu sinni. Þá kemur fram að Guðmundur hafi verið úrskurðaður í áframhaldandi gæsluvarðhald til 9. Febrúar.

„Þess má geta að 39 manns hafa komið í skýrslutöku hjá Lögreglunni á höfuðborgarsvæðinu í þágu rannsóknarinnar, þar af sjö brotaþolar.“