Um klukkan 9 í morgun að staðartíma var litlum sendiferðabíl ekið á gangandi vegfarendur í kínversku borginni Shanghai. 18 slösuðust, þar af 3 alvarlega. Lögreglan segir að ökumaðurinn hafi verið að reykja og af einhverjum orsökum hafi kviknað í bílnum út frá reykingunum.
Bílnum var ekið upp á gangstétt í hverfi þar sem margir eru að jafnaði á ferð. Myndir frá vettvangi sýna að eldur logaði í bílnum en hann var notaður til að flytja gaskúta en þeir sprungu ekki. Lögreglan segir að allt bendi til að um óhapp hafi verið að ræða en rannsókn stendur enn yfir.
Lögreglan segir að ökumaðurinn hafi verið að reykja og að eldur hafi kviknað í bílnum út frá reykingunum. Þá missti ökumaðurinn stjórn á bílnum sem endaði upp á gangstétt eins og áður sagði.