Fréttir

Pírati hjólar í Dag borgarstjóra: „Á ég ekki að geta eignast neitt fyrr en foreldrar mínir hrökkva upp af?“

Ari Brynjólfsson
Miðvikudaginn 14. febrúar 2018 16:20

Valgerður Árnadóttir frambjóðandi í prófkjöri Pírata til borgarstjórnarkosninga hefur bæst í hóp þeirra sem vandar Degi B. Eggertssyni borgarstjóra ekki kveðjurnar þegar kemur að húsnæðismálum. Píratar eru hluti af meirihlutanum í borginni og því hefur heyrst lítil gagnrýni úr þeirra herbúðum á eigin meirihluta.

Valgerður segir í aðsendri grein á Vísi að hún sé sammála því að þétta byggð en það vanti húsnæði fyrir „venjulegt fólk“ þar sem áherslan sé á að byggja dýrar íbúðir og stúdentagarða. „Ég er fædd 1979 og enginn sem ég þekki á mínum aldri eða yngri hefur eignast húsnæði nema með hjálp foreldra sinna, á ég ekki að geta eignast neitt fyrr en foreldrar mínir hrökkva upp af?,“ spyr Valgerður.

Flestir sem hún þekki búi í leiguhúsnæði þar sem helmingur tekna fari í húsnæðið. „Húsnæðisverð er helsta orsök fátæktar í Reykjavík, ástæða þess að hér býr fólk á götunni, að hér er hæsta hlutfall barnafátæktar á Norðurlöndunum og þess vegna ætti það að vera í forgangi að leysa húsnæðisvandann og byggja húsnæði á viðráðanlegu verði strax.“

Beinir Valgerður því spjótum sínum að fyrirhugaðri borgarlínu: „Ég hélt að borgarlínan væri einhver umhverfisvæn hraðlest en komst að því að þetta er bara strætó á sterum svo það væri kannski sniðugra að hafa frítt í strætó núna til að hvetja fólk að nýta sér almenningssamgöngur eins og þær eru og nota þessar 70-80 milljarða í að leysa húsnæðisvandann strax?“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Sjáðu atvikið – Ótrúlegt klúður Aubameyang gegn Chelsea

Sjáðu atvikið – Ótrúlegt klúður Aubameyang gegn Chelsea
BleiktFréttir
Fyrir 2 dögum

Segir skrif íslensks læknis grafa undan mannréttindabaráttu intersex fólks: „Líkamar intersex fólks eru svo sannarlega ekki gallaðir á nokkurn hátt“

Segir skrif íslensks læknis grafa undan mannréttindabaráttu intersex fólks: „Líkamar intersex fólks eru svo sannarlega ekki gallaðir á nokkurn hátt“
Fréttir
Fyrir 3 dögum

Mynd dagsins: Ferðamenn á Akureyri nota strætóskýli sem eldhús

Mynd dagsins: Ferðamenn á Akureyri nota strætóskýli sem eldhús
Fyrir 3 dögum

Hvar eru konurnar?

Hvar eru konurnar?