Kona var á dögunum í 45 daga skilorðsbundið fangelsi fyrir brot gegn valdstjórninni. Var hún sakfelld fyrir að slegið lögreglumann við skyldustörf.Árásin átti sér stað á seinasta ári en fram kemur í ákæru að kona hafi slegið lögreglumannin krepptum hnefa hægra megin í andlit.

Afleiðingarnar voru þær að lögreglumaðurinn hlaut væg eymsli yfir hægra kinnbeini.

Konan lét ófriðlega þegar lögregla kom á vettvang og var í annarlegu ástandi, framburður hennar var ruglingslegur, ölvun var áberandi og sjáöldur hennar voru samandregin. Haft er eftir henni í lögregluskýrslu að hún hafi verið mjög drukkin og á sterkum lyfjum sem hún megi ekki drekka ofan í.

Konan játaði brotið fyrir dómnum en hún hefur ekki áður sætt refsingu fyrir ofbeldisbrot. Við ákvörðun refsingar var litið til þess að hún játaði brotið skýlaust auk þess sem hún kvaðst iðrast mikið. Þá sagðist hún ekki muna eftir atvikinu.

Konan á við geðræn vandamál að stríða en fyrir dómi lagði hún fram læknisvottorð því til staðfestingar en vottorðið hafði verið gefið út í tengslum við annað mál. Þar kemur fram að eftir að konan varð þunguð hafi hún tekið sig á og sinnt meðferð og verið í góðri samvinnu við lækni. Í dag sinnir hún ungbarni og kveður hún líf sitt hafa breyst til batnaðar.