Fólk sem er ekki með reiðufé á sér og þarf að versla er heldur betur í veseni þessa stundina. Allir posar og hraðbankar á Íslandi liggja niðri.

DV hafði samband við þjónustuaðila Valitor til að athuga af hverju enginn getur notað kort í verslunum eða hraðbönkum.

„Það er bilun í posakerfunum og hraðbönkunum út af álagi hjá Reiknistofu bankanna. Þess vegna liggur allt niðri eins og það er verið að vinna í því að laga það.“

Er eitthvað komið á hreint hvenær það verður?

„Nei það er bara verið að vinna í því í á fullu. Ég vona það verði fljótlega, vonandi í dag.“

Batnar með hverri mínútu

DV ræddi við Friðrik hjá Reiknistofu bankanna og spurði hann um ástandið.

„Ástandið er farið að batna og er að nálgast að verða betra. Það var mikið álag á kerfinu af óþekktum ástæðum og það er verið að greina það,“ segir Friðrik

Mun það lagast í dag?

„Já, það er að batna með hverri mínútu.“

UPPFÆRT

Posakerfi og hraðbankar eru komnir í lag.