Vísir skýrir frá þessu. Fram kemur að grunur leiki á að hingað til lands séu sendir mennt til að setja árekstra á svið til að svíkja fé út úr tryggingafélögunum. Haft er eftir Karli Steinari Valssyni, yfirlögregluþjóni, að verið sé að rannsaka mál sem talið sé að sé sviðsett tryggingasvik. Í þeim málum sem lögreglan hafi verið að skoða hlaupi upphæðirnar á milljónum ef ekki tugum milljóna.
Karl Steinar vildi ekki segja hvaðan fólkið, sem stundar þetta, er eða hvort það sé enn hér á landi en sagði að hér væri um þaulskipulagða brotastarfsemi að ræða.
