Nýr bjór verður kynntur í kvöld á Klaustur bar, en sá staður hefur verið mikið í fjölmiðlum undanfarið vegna ummæla þingmanna Miðflokksins og Flokk fólksins inn á þeim stað. Nútíminn greindi fyrst frá. Bruggverksmiðjan Borg Brugghús ætlar þar að kynna nýjan Pale Ale bjór sem er ríkulega humlaður með El Dorado og Mosaic humlum. Bjórinn heitir Skyld’að vera stólahljóð.
Eru framleiðendur bjórsins líklega að vitna í orð Sigmundar Davíð Gunnlaugssonar, formann Miðflokksins. En hann sagði að selahljóðið sem heyrðist þegar hann og aðrir þingmenn voru að gera grín af Freyju Haraldsdóttur, fyrrverandi þingmanni Bjartrar framtíðar, hafi líklegast verið hljóð sem kæmi frá stóli inn á staðnum. Seinna breyttist svo útskýring Sigmundar og taldi hann að mögulega hefði hjól verið að bremsa fyrir utan staðinn.
Kynningin verður á Klaustur bar klukkan 21:00 í kvöld.
