Slökkviliðið á höfuðborgarsvæðinu hefur verið kallað út vegna elds í íbúðarhúsnæði á Vesturgötu í Vesturbæ Reykjavíkur. Fréttablaðið greindi fyrst frá.
Gríðarlegur eldur er í bakhúsi á Vesturgötunni og er mikill reykur í hverfinu. Slökkvilið biður fólk um að loka gluggum sínum sem búa í nágrenninu.
Uppfært
Einn maður var fluttur á sjúkrahús vegna eldsvoðans með snert af reykeitrun. Ekki er vitað um eldsupptök. Eldurinn kom upp í bakhúsi á Vesturgötu og er talið að það sé meira og minna ónýtt. RÚV greindi frá.
