fbpx
Miðvikudagur 20.febrúar 2019
Fréttir

Skrifstofa Alþingis óskar eftir hljóðupptökunum: DV lætur gögnin ekki af hendi

Kristjón Kormákur Guðjónsson og Einar Þór Sigurðsson
Þriðjudaginn 4. desember 2018 22:36

Ekki missa af Helstu tíðindum dagsins í pósthólfið þitt

Lesa nánar

Skrifstofa Alþingis hefur óskað eftir að fá aðgang að hljóðupptökum af Klausturfundinum til að siðanefnd Alþingis geti kannað hvort þingmenn hafi brotið siðareglur. Frá þessu er greint á RÚV. Þar segir einnig að nefndin hafi hist á fundi í morgun og þetta sé í fyrsta sinn sem hún sé virkjuð í slíku máli.

Í dag hafði fulltrúi nefndarinnar samband við DV til að kanna hvort nefndin gæti fengið gögnin í hendur. DV mun ekki láta gögnin frá sér og fyrir því er einföld ástæða. DV sendir aldrei frá sér gögn til þriðja aðila sem heimildarmenn treysta miðlinum fyrir. Í siðareglum DV stendur:

„Starfsmenn ritstjórnar gæta trúnaðar við heimildarmenn.“

Heimildarmaður DV hefur ekki gefið miðlinum leyfi, nú eða óskað eftir að þær upplýsingar sem hann taldi eiga erindi við almenning og trúði DV fyrir, færu annað. Óskað var eftir því í mestu vinsemd að fá aðgang að upptökum DV þegar til stóð að setja upp leikrit byggt á upplýsingunum. Því var hafnað. Þessi gögn verða því ekki send af ritstjórnarskrifstofu DV.

DV leggur mikla áherslu á að vernda heimildarmenn sína og tekur, hér eftir sem hingað til, það hlutverk alvarlega að halda trúnaði við bæði lesendur og heimildarmenn. Í dag var eins og áður segir óskað eftir af Alþingi að fá gögn DV í hendur. Ekki var neinum þrýstingi beitt, heldur var þess óskað í vinsemd til að auðvelda nefndinni að komast að niðurstöðu vegna þess sem átti sér stað á Klausturbar.

Ekki er hægt að verða við því. Það er svo heimildarmanns DV að ákveða hvort hann telji og vill að þessum upplýsingum sé komið til siðanefndar. DV mun ekki gefa siðanefnd upp netfang heimildarmanns eða upplýsingar til að nálgast hann en mun heldur ekki með nokkrum hætti reyna að koma í veg fyrir að hann komi þeim upplýsingum sem hann býr yfir til nefndarinnar.

Kristjón Kormákur Guðjónsson, aðalritstjóri DV og Einar Þór Sigurðsson aðstoðarritstjóri DV.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Leit að Jóni Þresti bar ekki árangur um helgina – Funda með lögreglu í dag

Leit að Jóni Þresti bar ekki árangur um helgina – Funda með lögreglu í dag
Fréttir
Fyrir 2 dögum

Fjórir handteknir í austurborginni – Á stolnum bíl með þýfi

Fjórir handteknir í austurborginni – Á stolnum bíl með þýfi
Fréttir
Fyrir 3 dögum

Grátandi Rúmeninn með 440 þúsund á mánuði og tæpar 700 þúsund krónur á bankareikningi

Grátandi Rúmeninn með 440 þúsund á mánuði og tæpar 700 þúsund krónur á bankareikningi
Fréttir
Fyrir 3 dögum

Myndband: Bátur varð vélarvana í dag og rak stjórnlaust

Myndband: Bátur varð vélarvana í dag og rak stjórnlaust