„Þetta er bara ráðgefandi álit og þótt það verði þeim mjög óhagstætt breytir það ekki því að það eru þingmennirnir sjálfir sem ákveða hvort þeir segja af sér eða ekki,“ segir Ólafur Þ. Harðarson, prófessor í stjórnmálafræði við Háskóla Íslands, í samtali við Morgunblaðið í dag.
Ólafur á þarna við þá ákvörðun forsætisnefndar Alþingis að vísa máli sexmenninganna á barnum Klaustur til siðanefndar Alþingis. Þó að álitið verður þeim óhagstætt verður ekki að hægt að víkja þeim úr starfi. Nefndin kemur til með að skila ráðgefandi áliti til forsætisnefndar.
„Það er þó ekki að sjá að hægt verði að gera mikið með það álit,“ segir Ólafur sem bætir við að Alþingi geti lítið gert. „En ef úrskurður siðanefndar verður umræddum þingmönnum óhagstæður er það auðvitað áfellisdómur yfir þeim. Það mun þó ekki hafa neinar beinar afleiðingar varðandi stöðu þeirra,“ segir Ólafur og bætir við að þingmenn verði sjálfir að sjá sóma sinn í að segja af sér þingmennsku.