Klaustursmálið var fyrirferðarmikið í Kryddsíldinni í dag. Þar lýsti Bjarni Benediktsson fjármálaráðherra því yfir hann væri leiður á málinu og telur að umræða um það skili engu. Þegar Bjarni Benediktsson var spurður hvort málið hefði ekki áhrif á þingið svaraði hann:

„Ef ég á að segja alveg eins og er, þá er ég kominn með hundleið á þessu máli. Ég skil það sem Sigmundur sem er að benda á og tel að viljinn til að láta reyna á réttinn að kalla eftir gögnum og upplýsingar um málið, þá sé mjög hæpið að menn reyni að leggja stein í götu þeirra.“ Þá sagði Bjarni einnig:

Ég held að flest fólk sem er að stunda vinnu, reka heimili og ala upp börn og sinnir krefjandi verkefnum úti í samfélaginu fái ekki neitt út úr þessari umræðu.

Hefur þú setið á svona fundum þar sem rætt hefur verið svona um fólk?

Ég ætla að segja eitt, ég held að þetta fólk hafi væntingar að stjórnmálin fari að skila einhverju fyrir öll þessi erfiðu verkefni sem fólk er að fást við úti í samfélaginu og á meðan við erum föst í einhverju svona gerist ekki neitt í því.

Þá var Bjarni spurður aftur hvort hann hefði setið fundi líkt og Sigmundur Davíð hafði lýst áður. Bjarni svaraði:

Það væri óheiðarlegt að segja ekki að maður hefði setið fundi þar sem er verið að baktala aðra stjórnmálamenn og lýsa yfir að hann sé ekki nógu góður og svo framvegis.

Bætti Bjarni við að ekki hefði verið viðstöðulaus sóðaskapur á slíkum fundum. Þá fannst Bjarna ýmsir hafa gengið of langt í palladómum. Þá sagði Bjarni

„Þeir sem að hlut áttu hafa allir stígið fram og beðist afsökunar og þetta sé óverjandi,“ sagði Bjarni og bætti við: „Ég er búinn að fá alveg nóg af þessu máli. Ég hef engan áhuga á að framlengja umræðuna.“