Hinn svokallaði þriðji orkupakki hefur verið í umræðunni undanfarið og halda margir því fram að hér sé verið að tryggja hækkun á orkuverði hér á landi. Þórdís Kolbrún Reykfjörð Gylfadóttir, atvinnu- og nýsköpunarráðherra, greindi frá því í samtali við Ríkisútvarpið að óvíst væri hvort málið hefði meirihluta á Alþingi og getur það haft áhrif á EES samning Íslands við Evrópusambandið.
Gestur þáttarins að þessu sinni er Þorgerður Katrín Gunnarsdóttir, þingmaður viðreisnar, og ræðir hún meðal annars veiðileyfagjöldin, lán ríkissjóðs til Íslandspósts ásamt því að fara yfir komandi kjarasamninga og bardagana sem munu eiga sér stað vegna þeirra.
Þorgerður Katrín segir að umræðan um þriðja orkupakkann sé dæmi um hvernig stjórnmálamenn blási upp mál og noti rangfærslur í málflutningi sínum til þess að ná í fylgi á andstæðingum Evrópusambandinu. Hún þakkar einnig Birni Bjarnasyni, fyrrverandi ráðherra, fyrir að koma sterkur inn í umræðuna um orkupakkann og benda á staðreyndir málsins.
Hér að neðan má sjá viðtalið við Þorgerði Katrínu