Eitt par af hverjum þremur sem gifti sig í síðasta mánuði gifti sig í Þjóðkirkjunni. Helmingur allra para sem giftu sig voru gefin saman hjá sýslumanni. Aðrir giftu sig í öðru trú- eða lífsskoðunarfélagi eða erlendis. Þetta kemur fram í nýrri samantekt Þjóðskrár.

Hlutur Þjóðkirkjunnar er umtalsvert minni en við aldamót. Þá giftu rúmlega sjö af hverjum tíu pörum í Þjóðkirkjunni. Í ár er það innan við helmingur og eitt par af hverjum þremur hjá sýslumanni.

Af þeim 242 sem gengu í hjónaband í nóvember kusu 122 að gera það hjá sýslumanni, eða 50,4 prósent. 80 giftu sig í þjóðkirkjunni, eða 33,1 prósent. 34 gengu í hjúskap í trú- eða lífsskoðunarfélagi utan þjóðkirkjunnar og 6 giftu sig erlendis. Samkvæmt Þjóðskrá skildu 119 einstaklingar.

Alls hafa 3.502 einstaklingar gengið í hjónaband á fyrstu ellefu mánuðum ársins. Á síðasta ári gengu  3.956 manns í hjónaband og var það metár. Það sem af er árinu hafa 1.178 einstaklingar skilið. Á öllu síðasta ári var fjöldinn 1.394. Hér má lesa samantektina á vef Þjóðskrár.