Fjölmargir landsmenn spóka sig í miðbænum á Þorláksmessu og þá kemur sér vel að margar götur verða lokaðar bílaumferð. Takmarkanirnar verða eftirfarandi samkvæmt tilkynningu frá Reykjavíkurborg:
Frá klukkan ellefu verður Laugavegur lokaður frá Vatnsstíg, Skólavörðustígur frá Bergstaðastræti og niður Bankastræti að Þingholtsstræti.
Klukkan 18 verða lokanir umfangsmeiri og ná að mótum Barónsstígs og Laugavegs, auk þess sem kaflinn frá Barónsstíg að Snorrabraut verður líka lokaður frá 17-18 vegna upphafs friðargöngu niður Laugaveg.
Lokanir tryggja öryggi gangandi og akandi vegfarenda á þessum fjölsótta verslunardegi í miðborginni. Við minnum á almenningssamgöngur og bílahús borgarinnar.
https://reykjavik.is/frettir/umferdartakmarkanir-thorlaksmessu