Sveinn Valgeirsson dómkirkjuprestur skilur ekki hvers vegna Miðflokksmenn vilji leiða hann sem vitni vegna mögulegrar málsóknar gegn Báru Halldórsdóttur. Hann segist ekkert geta upplýst um Klausturmálið þar sem engar eftirlitsmyndavélar á Dómkirkjunni.
Þetta kemur fram á RÚV. Lögmaður Miðflokksmanna, Reimar Pétursson, lýsti því fyrir dómi í gær að flokksmenn efuðust um að Bára hafi verið ein á ferð. Því sækist þeir eftir að komast í myndavélaupptökur á svæðinu.
Sveinn segist ekki geta aðstoðar þingmenn. „Mín afstaða er nú sú að ég held að það hafi ekkert upp á sig. Við erum ekki með neinar eftirlitsmyndavélar til að leita í. Eini eftirlitsbúnaðurinn sem eitthvað gæti tengst Dómkirkjunni væri hið alsjáandi auga drottins og hans alþunna eyra,“ segir Sveinn.
Hann segist tilbúinn að mæta fyrir dóm en segir þó að það yrði tímaeyðsla. Sveinn bætir því við að svo virðist sem enginn hafi kannað þetta, hvort eftirlitsmyndavélaupptökur væru til á annað borð. „En ég skil ekki hvaðan þetta kemur,“ segir Sveinn.