Vopnað rán var framið í versluninni Iceland í Glæsibæ á sjötta tímanum í morgun. Morgunblaðið greinir frá, en þar kemur fram að maður vopnaður hnífi hafi ógnað starfsmanni verslunarinnar og slegið hann með afli.
Þessu næst fór ræninginn í afgreiðslukassann og gekk út með fjárhæð sem sögð er vera á bilinu tíu til tuttugu þúsund krónur. Starfsmaður Iceland meiddist ekki alvarlega en hann var færður á sjúkrahús í kjölfar atviksins.
Vopnaði maðurinn er ekki fundinn enn þá og bíður lögreglan eftir því að fá myndir úr öryggisvélum verslunarinnar.