„Síðustu 72 klukkustundir hafa verið þær erfiðustu í lífi mínu, þar sem ég þurfti að skera úr um framtíð WOW air á krefjandi tímum.“
Þannig hefst yfirlýsing sem Skúli Mogensen forstjóri WOW air ritar á ensku og birtir á facebooksíðu sinni í kjölfar fregna af yfirtöku Icelandair Group á WOW air flugfélaginu.
„Þegar allt kemur til alls, þá stend ég í þeirri trú að við höfum tekið rétta ákvörðun með því að tryggja framtíð WOW air sem dótturfélag Icelandair Group,“
segir Skúli jafnframt.Hann kveðst jafnframt fullviss um að reynsla beggja flugfélaganna muni styðja við endurbætur og frekari uppbyggingu á öflugu alþjóðaflugfélagi sem muni þrífast í samkeppnisumhverfi flugrekstrarmarkaðarins.
„Ég er einstaklega stoltur af starfsfólki okkar og því sem við höfum áorkað síðastliðin sjör ár. Við höfum hvað eftir annað sigrað þyngdaraflið með því að vera fremst í flokki lággjaldaflugfélaga og keppa við stærstu og bestu flugfélög í heiminum,“
ritar Skúli jafnframt um leið og hann þakkar fyrir hlý orð og stuðning.
„Ég mun halda áfram að gera mitt besta fyrir farþega og starfsfólk okkar.“
https://www.facebook.com/skuli.mogensen/posts/10161088873480204