Á sjöunda tímanum var tilkynnt um innbrot í bifreið í miðborginni. Úr henni var stolið fartölvu og fleiru. Maður var handtekinn grunaður um innbrotið og þjófnaðinn og var hann vistaður í fangageymslu. Á honum fundust ætluð fíkniefni.
Tveir ökumenn voru handteknir síðdegis í gær grunaðir um ölvun við akstur.
Þrír ökumenn voru handteknir í gærkvöldi og nótt grunaðir um að vera undir áhrifum fíkniefna. Einn þeirra er einnig grunaður um vörslu fíkniefna.
Tveir réttindalausir ökumenn voru stöðvaðir í akstri í gærkvöldi. Annar reyndist aldrei hafa öðlast ökuréttindi en hinn reyndist vera sviptur ökuréttindum.