fbpx
Fimmtudagur 13.desember 2018
Fréttir

Nýr varnargarður við Vík í Mýrdal gæti stöðvað Kötluhlaup

Kristján Kristjánsson
Sunnudaginn 18. nóvember 2018 16:30

Vík í Mýrdal

Ef næsta Kötluhlaup verður svipað og í gosinu 1918 mun Kötlugarður, sem er gamall varnargarður austan við Vík í Mýrdal, rofna og þá nær hlaupið til Víkur. Nýjar athuganir benda til að ef nýr varnargarður verður reistur í 7 metra hæð yfir sjávarmáli við Víkurklett myndi hann stöðva jökulflóðið og minna flóð sem myndi fylgja í kjölfarið. Með þessu mætti verja þorpið.

Morgunblaðið skýrir frá þessu. Fram kemur að niðurstöður hermilíkans bendi til að hamfaraflóð muni fara yfir Kötlugarð og ná til þorpsins. Kötlugarður var gerður um miðja síðustu öld.

Jökulhlaup vegna eldgosa í Kötlu hafa oftast komið niður Mýrdalssand, vestan Hafurseyjar. Samkvæmt útreikningum jarðvísindastofnunar Háskóla Íslands myndi Kötlugarður við Höfðabrekkujökul rofna við jökulhlaup. Hann er tæplega 500 metrar að lengd, úr sandi, og er í um 5 metra hæð yfir sjávarmáli. Garðurinn er ekki rofvarinn.

Ólíklegt er talið að hann muni geta staðið af sér hlaup á borð við það sem varð 1918, jafnvel þótt hann verði styrktur.

Reiknilíkan sýnir að varnargarður í 7 metra hæð yfir sjávarmáli við Víkurklett myndi stöðva báðar gerðir flóðanna sem voru prófaðar í líkaninu. Landhæð við Víkurklett er 4-5 metrar yfir sjávarmáli og því þarf að reisa 2-3 metra háan varnargarð, um 540 metra langan. Vegagerðin áætlar að kostnaður við hann verði 40-60 milljónir króna. Við þá upphæð bætast 40-50 milljónir til að aðlaga hringveginn að varnargarðinum. Í heildina yrði kostnaðurinn því um 100 milljónir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 16 klukkutímum

Víði leið illa að horfa á Gunnar: „Hvert erum við þá eiginlega komin?“

Víði leið illa að horfa á Gunnar: „Hvert erum við þá eiginlega komin?“
Fréttir
Fyrir 17 klukkutímum

Bjarni vill áfallavörn fyrir þjóðina: „Mikill kostnaður gæti hlotist af slíkum ófyrirséðum stóráföllum“

Bjarni vill áfallavörn fyrir þjóðina: „Mikill kostnaður gæti hlotist af slíkum ófyrirséðum stóráföllum“
Fréttir
Í gær

Björgunarsveitir kallaðar út vegna óveðurs

Björgunarsveitir kallaðar út vegna óveðurs
Fréttir
Í gær

Mikil röskun á flugi í Keflavík – Farþegar komast hvorki út í vél eða inn í flugstöðina: „Við erum bara fá okkur frítt te og kaffi“

Mikil röskun á flugi í Keflavík – Farþegar komast hvorki út í vél eða inn í flugstöðina: „Við erum bara fá okkur frítt te og kaffi“