fbpx
Mánudagur 10.desember 2018
Fréttir

Niðurgangur og uppköst fjölda gesta eftir heimsókn á Skelfiskmarkaðinn – Eigendur í áfalli

Hjálmar Friðriksson
Föstudaginn 16. nóvember 2018 15:57

Skjáskot úr kynningarmyndbandi Skelfiskmarkaðarins sem sýnir hvernig ostrur, stolt staðarins eru veiddar. Til hægri er Hrefna Sætran andlit staðarins.

Í það minnsta þrettán manns úr átján manna hópi smituðust af nóróveiru síðastliðinn föstudag eftir að hafa borðað á Skelfiskmarkaðnum í Reykjavík. Veiran einkennist af uppköstum og niðurgangi en smit með ostrum er vel þekkt. DV hefur rætt við ættingja eins þeirra sem smitaðist, sem var enn veikur, og sagði hann að þeir sem fengu sér ostrur hafi orðið veikir. Ostrur hafa fram að þessu verið stolt staðarins en Skelfiskmarkaðurinn sérstaklega stofnaður til að bjóða upp á ostrur, ræktaðar í Skjálfandaflóa. Í kynningarmyndbandi fyrir Skelfiskmarkaðinn segir:

„Þær (ostrur) eru stolt staðarins enda hafa íslenskar ostrur aldrei fengist áður.“

Ostrurnar eru íslenskar, frá Húsavík, niðurstaða fyrstu ostruræktunar á Íslandi. Skelfiskmarkaðurinn opnað nýlega en eigendur hans eru Hrefna Rósa Jóhannsdóttir Sætran, Guðlaugur Frímannsson, Axel Clausen, Ágúst Reynisson og Eysteinn Valsson. Ágúst staðfestir í samtali við DV veirusýkinguna og af honum að skilja smituðust fleiri en þrettán. Eigendur harma að fólk hafi orðið veikt og hafa þeir strax brugðist við til að koma í veg fyrir frekari smit.

„Það kom upp einhver veira. Síðan við heyrðum af fyrsta tilvikinu þá höfum við verið dag og nótt að vinna í þessu. Við erum nýr veitingastaður og búið að vera erfið fæðing, þó það sé brjálað að gera. Að sjálfsögðu viljum við ekki fá fréttir af þessu. Nú liggur Húsavík niðri út af einhverri svona bakteríu, það er búið að loka leikskólanum. Við erum nýbúnir að opna og höfum ekki efni á því að fá svona frétt,“ segir Ágúst. DV ræddi við Húsvíking sem kom af fjöllum og kannaðist ekkert við að farsótt geisaði þar. Sá starfar í skólakerfi Húsavíkur.

Hann segir að rannsókn á því hvernig þetta gat gerst ekki lokið. „Strax og þetta gerðist þá kom heilbrigðiseftirlitið til okkar. Þeir gáfu okkur toppeinkunn. Þeir sögðu að við þyrftum ekkert að óttast hérna inni. Þá gæti það verið hráefnið, en meðhöndlun okkar á hráefninu er tiptop. Við fórum með ostrur strax sem sýni hjá MAST, samdægurs, og við höfum enn ekkert fengið út úr því. Við ætlum að sjá hvað kemur út úr því. Við höfum talað við ostrubændurna á Húsavík og þeir tala um þessi veikindi þar, að allur bærinn sé veikur. Ég veit ekki hvort það hafi smitast í starfsmenn og þaðan í ostrunnar,“ segir Ágúst.

Hann segir að ostrurnar hafi í það minnsta tímabundið verið teknar af matseðli. „Leið og við fengum fyrsta símtalið, þetta voru þrjú símtöl sennilega, þá tókum við þetta af matseðli. Allur staðurinn var þrifinn hátt og lágt. Við höfum reynt að hafa þetta faglegt og setjum þetta ekki aftur á matseðilinn fyrr en þetta er allt komið á hreint,“ segir Ágúst.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Engin samræming í fatamálum lögreglunnar

Engin samræming í fatamálum lögreglunnar
Fréttir
Í gær

Brynja í áfalli fyrir utan Hagkaup – „Hjartað mitt er svo kramið að ég get ekki lýst því“

Brynja í áfalli fyrir utan Hagkaup – „Hjartað mitt er svo kramið að ég get ekki lýst því“
Fréttir
Fyrir 2 dögum

Stjórnlaus og sturlaður á Hótel Hraunsnefi – Réðst á sambýliskonu sína – „Ég ætla að drepa þig helvítis tussan þín“

Stjórnlaus og sturlaður á Hótel Hraunsnefi – Réðst á sambýliskonu sína – „Ég ætla að drepa þig helvítis tussan þín“
Fréttir
Fyrir 2 dögum

Grunur um salmonellu í kjúklingi frá Matfugl

Grunur um salmonellu í kjúklingi frá Matfugl
Fréttir
Fyrir 2 dögum

Kim Kardashian frelsar fanga: „Fyrirgefðu, Ég hélt þú vissir!“

Kim Kardashian frelsar fanga: „Fyrirgefðu, Ég hélt þú vissir!“
Fréttir
Fyrir 2 dögum

Faðir Sigmundar ósáttur – Líkir Önnu við veika hænu: „Þetta var mjög óviðeigandi tölvupóstur“

Faðir Sigmundar ósáttur – Líkir Önnu við veika hænu: „Þetta var mjög óviðeigandi tölvupóstur“
Fréttir
Fyrir 2 dögum

Bára gefur lítið fyrir skýringar Sigmundar Davíðs á selahljóðinu á Klaustri – „Hljóðið var framkallað innanhúss“

Bára gefur lítið fyrir skýringar Sigmundar Davíðs á selahljóðinu á Klaustri – „Hljóðið var framkallað innanhúss“
Fréttir
Fyrir 2 dögum

Bára – „Ótrúlegt að þau skyldu ná að pakka öllu þessu hatri og ógeði inn á aðeins örfáar klukkustundir“

Bára – „Ótrúlegt að þau skyldu ná að pakka öllu þessu hatri og ógeði inn á aðeins örfáar klukkustundir“