Lögreglunni á höfuðborgarsvæðinu bárust 27 tilkynningar um kynferðisbrot í síðasta mánuði. Er það nánast ein tilkynning á dag allan októbermánuð. 21 munu hafa átt sér stað í sama mánuði. Þetta kemur fram í mánaðarskýrslu lögreglunnar á höfuðborgarsvæðinu fyrir októbermánuð. Alls hefur Lögreglan á höfuðborgarsvæðinu fengið 193 tilkynningar um kynferðisbrot það sem af er þessu ári. Tilkynntum kynferðisbrotum í október fjölgaði um 30% miðað við síðasta hálfa árið, en fækkar um 10% þegar litið er til síðustu þriggja ára.

Segir í skýrslunni að í september hafi verið tilkynnt um  9 kynferðisbrot, 23 í ágúst og 14 í bæði júní og júlí. Flestar tilkynningarnar á þessu ári bárust í janúar, var þá tilkynnt um 31 kynferðisbrot. Þegar litið er til ársins í fyrra var tilkynnt um 44 kynferðisbrot í nóvember, alls 222 allt árið í fyrra.