63 látnir og yfir 600 saknað í eldunum í Kaliforníu í Bandaríkjunum. Donald Trump ferðast á morgun á hamfarasvæðið til að kanna aðstæður. Eldsupptök eru enn óþekkt en nokkrum aðilum grunar raforku fyrirtæki nokkuð um græsku og hafa nú þegar lögsótt það.
Yfir sex hundruð manns er saknað í eldunum í Norður Kaliforníu. Áður var talið að um þrjú hundruð manns væri saknað en viðbragðsaðilar hafa nú fengið rými til að yfirfara gögnin sín og kom þá í ljós að tvöfalt fleiri væri saknað. Tala látinna er nú kominn upp í 63 og hafa um tólf þúsund byggingar orðið eldinum að bráð. Herinn með aðstoð sérhæfðra hunda leita mannaleifa í brunarústunum og gert er ráð fyrir að leitin taki einhverjar vikur.
Donald Trump Bandaríkjaforseti heldur til Kaliforníu á morgun til fundar við fórnalömb eldanna og til að sjá með eigin augum þann skaða sem eldarnir hafa valdið.
Rúmlega níu þúsund slökkviliðsmenn erfiða nú við að reyna að ráða niðurlögum eldanna sem hafa á átta dögum valdið gífurlegu tjóni á mönnum og munum. Þeir telja sig hafa náð að hemja rétt undir helmingi eldanna en búist er við að þeir verði ekki hamdir að fullu fyrr en í lok mánaðar.
Ótrúleg myndbönd hafa náðst af eldinum, hefur þeim verið deilt á samfélagsmiðlum. Þetta myndband birtist fyrir skömmu á YouTube:
Eldsupptök eru enn óþekkt en nokkrir aðilar hafa nú þegar höfðað mál gegn raforku fyrirtæki sem þeir telja að hafi valdið eldunum þegar háspennulína fyrirtækisins bilaði.