Þetta kemur fram í Morgunblaðinu í dag. Þar kemur fram að 1990 hafi Reynir verið beðinn um að fylgjast með svæðinu og senda myndir af því reglulega til Veðurstofunnar og Raunvísindastofnunar. Reynir fæddist 16 árum eftir síðasta Kötlugos og segist vera mikill áhugamaður um þau. Lýsingarnar sem hann hafi heyrt frá þeim sem upplifðu síðasta gos hafi verið svo ótrúlegar að varla var hægt að trúa þeim.
„Stóreflis björg komu með hlaupum og það sem við köllum Jökulinn og er rétt innan við varnargarðinn er bara jökull sem strandaði í Kötlugosi og settist fastur þar sem sjór var fyrir. Nú gegnir hann miklu varnarhluverki fyrir þorpið.“
Er haft eftir Reyni sem hefur margoft haldið að Katla væri að búa sig undir gos og ekki hefur sú tilfinning horfið.
„Það eru öðruvísi skjálftar nú en áður. Þeir eru dýpra í Kötluöskjunni, kannski er tæknin orðin betri en það er greinilega meiri leiðni í ánni og jökulfýlan finnst oftar. Það er líka meiri jarðhiti. Ég er með sterkari tilfinningu en áður.“
Segir Reynir sem hræðist ekki gos en er vel meðvitaður um að það geti verið hættulegt.