Séra Bjarni Karlsson segir að fólk þurfi að viðurkenna að fóstur í móðurkviði á sér stærra samhengi en líkama móðurinnar og að í íslensku samfélagi sé bundið enda á sjöttu hverja þungun. Hann segir í bakþönkum Fréttablaðsins í dag að þegar hann hafi verið í röð í Bónus um daginn þá hafi hann fengið spurninguna „þarftu poka?“, það hafi orðið til þess að hann hafi farið að velta fyrir sér hvað fólk þurfi mikið í stóra samhengi hlutanna: „Þarf ég kjöt? Þarf ég poka? Þarf ég að fljúga til útlanda? Þarf ég að aka bíl í vinnuna? Þarf ég blómstrandi vöruúrval á meðan líffræðilegur fjölbreytileiki jarðar fölnar?, spyr Bjarni.
Hann segir að mannsandinn skynji að hann er eitt með öllu sem lifir og að maðurinn sé ekki herra jarðar heldur þjónn. Hann beinir svo sjónum sínum að frumvarpi um þungunarrof, ef frumvarpið verður að lögum verður konum heimilt að enda á þungun fram til loka 22. viku. Bjarni segir að málefnið sé sárt og flókið og hann hafi ekki svar við því, telur hann að það sé gagnlegt að skoða það frá eftirfarandi sjónarhorni: „Lagafrumvarp um meðgöngurof. Annars vegar þarf að tryggja að löggjöfin viðhaldi ekki forræðishyggju gagnvart barnshafandi konum. Hins vegar verðum við að viðurkenna að fóstur í móðurkviði á sér stærra samhengi en líkama móðurinnar og að við tilheyrum samfélagi sem bindur enda á sjöttu hverja þungun,“ hann spyr svo að lokum: „Þarf það?“
Hildur Lilliendahl Viggósdóttir, femínisti, segir á Facebook að það fari í taugarnar á henni að hversu margir karlar líti á skoðanir sínar á málefni sem snerti aðeins konur á barneignaraldri sem eitthvað sem skipti máli:
„Stelpur! Leggið frá ykkur uppþvottaburstann, það er miðaldra karl aftan á Fréttablaðinu að segja ykkur hvað honum finnst um þungunarrofin ykkar!“
Guðrún Ögmundsdóttir, borgarfulltrúi Samfylkingarinnar, spurði Hildi hvort hún þyrfti að lesa bakþanka séra Bjarna, hún fékk svarið: „Nei, Gunna mín. Alls alls ekki.“
Berglind Pétursdóttir, Berglind Festival, gagnrýni enn fremur pistilinn á Twitter.
þarf þessi bakþanki að taka þennan glataða snúning þarna í lokin? ÞARF ÞAÐ? delete this https://t.co/ifHEMcDKfL
— Berglind Festival (@ergblind) November 14, 2018