Morgunblaðið skýrir frá þessu í dag. Þar er haft eftir Valgerði Rúnarsdóttur, yfirlækni á Vogi, að erfitt sé að horfa upp á þessa aukningu. Mikil umræða hefur verið um fíknisjúkdóma og sjálfsvíg ungs fólk í kjölfar frásagnar séra Vigfúsar Bjarna Albertssonar í byrjun vikunnar um þennan mikla vanda. Þar sagði Vigfús meðal annars að tugir hefðu látist það sem af væri ári og að margir hefðu tekið eigið líf. Hann skýrði einnig frá hrottalegri framgöngu handrukkara sem svífast einskis. Vigfús lýsir ástandinu sem faraldri.
Morgunblaðið hefur eftir Jóni Magnúsi Kristjánssyni, yfirlækni á bráðadeild Landspítalans, að ljóst sé að fíknivandinn hafi aukist mikið undanfarin 3-4 ár.
„Við sjáum um það bil tvöföldun á fjölda einstakra tilvika sem eru afleiðingar neyslu í ár frá því sem var fyrir ári. Mér finnst „faraldur fíknisjúkdóma“ mjög lýsandi hugtak fyrir þetta ástand. Allar tölur benda á sama veg, þetta er hratt vaxandi vandamál.“