Verulegar umræður áttu sér stað innan Femínistaspjallsins um helgina en þar deildi Guðrún nokkur mynd sem hún tók í einni verslun Hagkaups. „Varð sorgmædd í Hagkaup í dag,“ skrifar Guðrún og birtir mynd af leikföngum, annars vegar „partísett prinsessunnar“ og hins vegar „verkfærasett smiðsins“. Mynd af stúlku var á fyrrnefnda settinu meðan mynd af pilti var á því síðarnefnda.

Nokkur fjöldi femínista tjáir sig um vörunnar. „Sá þetta einmitt um daginn. Fannst þetta hræðilegt!,“ segir ein kona meðan önnur segir: „Get varla horft! Tryllist“. Sú þriðja segir: „Ég verð oft sorgmædd þegar ég er í barnavörudeild Hagkaupa. Eru þau ekki búin að fá sirka 1000 kvartanir yfir því hvernig þau stilla upp leikföngum og hvaða föt þau panta inn og svona? Af hverju ætli þau séu svona þrjósk í þessu?“

Einn karl kveður sér hljóðs og segist ekkert sjá að þessu: „Ég sé ekkert á þessu dóti sem segir, strákar meiga bara kaupa eitt og stelpur bara hitt, þetta eru bara pakningarnar, afhverju að kvarta yfir svona litlum hlut, þetta hljómar ekki eins og eitthvað sem hjálpar stelpum né strákum til að kvarta yfir.“

Þessu svarar ein kona og segir þetta skólabókadæmi um leikföng markaðsett út frá kynjahyggju. „Ekkert á partísettinu sem bendir til þess að það sé bara fyrir stelpur? Ég sé ekkert að smíðasettinu ef það væri eitt og sér en það er mjög oft með svona dót þar sem eru búnar til tvær útgáfur frá sama merki, samskonar pakkningar etc, að annað þeirra er ætlað stelpum og hitt strákum. Oft heita vörurnar stelpu eitthvað og stráka eitthvað sem það gerir ekki í þessu tilfelli en mer finnst samt augljóst hvað er ætlað hverjum. Partísettið er með mynd af prinsessu og það er stelpa framaná pakkanum. Smíðasettið er hlutlausara en samt er mynd af strák framaná. Stelpusettið snýst um bollakökur, punt og partí en strákasettið snýst um gáfur, fikt og að laga hluti. Þetta er bara mjög klassískt dæmi um dót markaðsett út frá kynjahyggju,“ segir kona.