Klámstjarnan Tindra Frost á mörg þúsund fylgjendur á samfélagsmiðlum, hefur unnið til verðlauna fyrir leik í klámmyndum og skilgreinir sig sem pankynhneigð og laðast að fólki óháð kyni. Tindra er líka íslensk í húð og hár og heitir réttu nafni Tinna Gunnarsdóttir. Tinna staðfesti þjóðerni sitt í sögu á Instagram-síðu sinni í gær og tók fram að hún hefði fengið fjölmargar fyrirspurnir um hvort hún væri í raun og veru íslensk.
Tinna opnaði sig um ræturnar á góðri íslensku, en skipti svo yfir á ensku fyrir erlenda aðdáendur og bætti við að Bretland ætti samt sem áður hug hennar og hjarta. Þá sagði hún af og frá að hún ætlaði að snúa aftur til Íslands.
„Það er ekkert þarna,“ sagði hún ástæðuna vera fyrir því.
Tinna Gunnarsdóttir er fædd þann 13. apríl árið 1991 og er því 27 ára gömul. Hún hefur búið í Bretlandi um árabil en árið 2012 kallaði erótíski heimurinn á hana og hún hlýddi því kalli. Í dag er hún búsett í London og líður vel þar. Í sex ár hefur Tinna leikið í fjölmörgum kvikmyndum, komið fram í sjónvarpi og setið fyrir á síðum svokallaðra fullorðinsblaða þar sem léttklæddar konur reyna sitt besta að tæla menn og konur með augnaráði og frygðarsvip. Þykir Tinna skara fram úr í sínu fagi og fær meðal annars 87 stig af 100 mögulegum á svokölluðum bombumæli, eða „babe rating“, á bombusíðunni FreeOnes. Þá eru fylgjendur Tinnu, undir nafninu Tindra, á Instagram duglegir að hrósa stúlkunni fyrir föngulegan limaburð.
View this post on Instagram
„Fullkomnir leggir Tindra. Kynþokkafyllri en andskotinn. Jafnvel kynþokkafyllri í háum sokkum,“ skrifar einn notandi við mynd af Tinnu þar sem glittir í leggina. Annar notandi kemur sér beint að efninu í athugasemd við speglasjálfu af Tinnu:
„Ríddu mér, plís.“
View this post on Instagram
Svo er það athugasemdin við lágstemmda mynd af Tinnu þar sem hún sést halda á kaffibolla, kappklædd í notalegheitum heima hjá sér:
„Það eina sem er kósí á þessari mynd er brjóstaskoran þín.“
View this post on Instagram
Tinna kallar sig Víkingaprinsessuna í klámheiminum og er hennar aðalstarf að leika í klámmyndum og sitja fyrir, sem og að bera sig á Snapchat fyrir fylgjendur sem greiða fé fyrir að sjá hana striplast. Þá tekur hún upp á ýmsu klámtengdu á samfélagsmiðlum og leikur við vefmyndavél fyrir áhugasama. Einnig er hægt að senda henni tölvupóst og sérpanta myndir eða myndbönd.
View this post on Instagram
Tinna er 170 sentímetrar að hæð og segist vera dökkhærð frá náttúrunnar hendi, þó fylgjendur hennar muni eflaust eftir því þegar hún skartaði ljósum lokkum fyrir nokkrum árum. Fyrir stuttu hlaut Tinna SHAFTA-verðlaunin, en SHAFTA er skammstöfun á Soft and Hard Adult Film and Television Awards. SHAFTA er árleg verðlaunaathöfn fyrir fagfólk í klámmyndaiðnaðinum í Bretlandi og hefur verið lýst sem Óskarsverðlaunum klámmyndabransans. Verðlaunin eru virt innan klámkreðsunnar og getur því Tinna verið stolt af þessum áfanga. Þá hefur hún einnig verið tilnefnd í tvígang sem besta leikkonan á UKAP-verðlaununum. Einnig er vert að taka fram að Tinna fékk tilnefningu til Babestation-verðlaunanna jómfrúarárið sitt í klámmyndageiranum, árið 2012.
Tinna lék í sinni fyrstu klámmynd í fullri lengd árið 2014 og ber hún nafnið The Wet Nurse and Her Diabolical Concerns (Disappointed Virginity). Síðan þá hefur hún leikið í rúmlega tuttugu kvikmyndum til viðbótar, þar á meðal Mom XXX, Lara Latex, Orgasm Spasm og WankItNow. Nýjasta mynd hennar heitir Compliments.
Á vefsíðunni Xvideos má sjá í það minnsta fjögur klámmyndbönd með Tinnu í aðalhlutverki. Í einu myndbandi er hún dáleidd af manni með pípuhatt. Það hefur verið horft á það myndband nærri tuttugu þúsund sinnum. Álíka margir hafa horft á myndband þar sem hún er sögð táldrós sem vefur karlmönnum um fingur sér.
Þeir sem vilja kynna sér Tinnu betur er bent á heimasíðu hennar.
View this post on Instagram
