Lögreglan á höfuðborgarsvæðinu handtók ökumann í nótt sem sinnti ekki stöðvunarmerkjum lögreglu. Lögregla reyndi að stöðva akstur mannsins á Breiðholtsbraut en hann sinnti merkjum lögreglu ekki.

Upphófst þá eftirför sem endaði í Fellahverfinu þar sem maðurinn var handtekinn. Engan sakaði. Að sögn lögreglu reyndist maðurinn vera í annarlegu ástandi og er hann grunaður um akstur undir áhrifum fíkniefna. Hann var færður á lögreglustöðina við Hverfisgötu þar sem hann gistir í fangaklefa.

Þá fékk lögregla tilkynningu um heimilisofbeldi í Hafnarfirði en að sögn lögreglu hafði gerandinn yfirgefið vettvang áður en lögreglu bar að garði.

Loks var tilkynnt um innbrot í bíl í morgunsárið í austurborginni.