Grínistinn Ari Eldjárn hefur fyrir löngu stimplað sig inn í hug og hjörtu þjóðarinnar. Fyrir utan augljósa uppistandshæfileika þykir Ari einnig stórkostleg eftirherma og nægir að nefna túlkun hans á tónlistarmanninum Bubba Morthens. Ari er gestur þáttarins Með Loga sem sýndur var í Sjónvarpi Símans í kvöld, í viðtalinu kemur hann meðal annars inn á það hvernig Bubba eftirherman varð til.
„Það var tímabil þar sem Bubbi var mikið að tala um garðinn sinn. Hann talaði rosa mikið um mold og þá var eiginlega nóg að segja bara „mold, mold mold,mold.“ Bara segja það aftur og aftur,“
segir Ari í þættinum og bætir við að Pétur Jóhann Sigfússon grínisti og sjónvarpsmaður hafi einu sinni sagt: „Það er þá bara svona sem þinn bransi er, þú keyrir bara á milli og segir: „Halló, ég heiti Ari Eldjárn, mold, mold.“
Brot úr þættinum má finna hér fyrir neðan.
https://www.facebook.com/siminn.is/videos/493645194454334/