Fréttir

Mána mikið niðri fyrir: „Þessi kona er hyski og hún getur kært mig hvenær sem er“

Ritstjórn DV
Miðvikudaginn 17. október 2018 15:10

Mána Péturssyni var mikið niður fyrir í Harmageddon í morgun þar sem hann og Frosti Logason ræddu við Gunnar Kristinn Þórðarson, fyrrverandi oddvita Karlalistans í Reykjavík. Máni kallaði þar Þórey Guðmundsdóttir hyski. Gunnar Kristinn hefur eldað grátt silfur við íslenska femínista að undanförnu. Síðast þegar DV fjallaði um Gunnar Kristinn kom fram að hann hefði ákveðið að hætta þátttöku í stjórnmálum, leggja samtökin niður og elta ástina til útlanda.

„Samtökin bæði verða lögð niður og ég er kominn hálfa leið við að elta ástina til útlanda.“

Gunnar hefur ekki lagt samtökin niður og var kynntur sem formaður samtakanna í Harmageddon í morgun. En Gunnar hefur sagt að hann eigi nokkur útistandandi mál. Gunnar kom að birtingu skjáskota úr Fésbókarhópnum Aktívistar gegn nauðgunarmenningu inn á vefnum Forréttindafemínismi sem hann segir að eigi að sýna fram á hvernig þjóðþekktir femínistar séu að „undirbyggja aðför gegn nafngreindum feðrum“.

Sjá einnig: Gunnar eltir ástina til útlanda – Átti í útistöðum við íslenska femínista – „Sambandið er á viðkvæmu stigi“

Þá hefur verið fjallað ítarlega um Gunnar Kristinn, Samtök umgengisforeldra og Karlalistans á femíniska vefritinu Knúz.is en þar var rekstur Gunnars gagnrýndur. Deildi hann harðlega við Heiðu Björg Hilmisdóttur, varaformann Samfylkingarinnar, um gagnaleka úr Fésbókarhópum femínista og feðrahreyfinga. Enduðu deilur Gunnars við konurnar með kæru Gunnars á hendur Þóreyju Guðmundsdóttur og Elísabetu Ýr Atladóttur til lögreglu, sagði hann þær hafa fullyrt ranglega í athugasemdum á Fésbók að hann hafi eytt uppvaxtarárum sínum á Barna- og unglingageðdeild Landspítalans.

Gunnar Kristinn ræddi um Þóreyju sem er prestur og fyrrverandi- sáttarfulltrúi sýslumanns og fyrrverandi starfsmaður barnaverndar. Sagði Gunnar að hún fullyrti í einum af þeim skjáskotum að hann hafi verið meirihluta uppvaxtar síns á Barna- og unglingageðdeild Landspítalans.

Sjá einnig: Oddviti Karlalistans segist ekki hafa verið lengi á BUGL

Gunnar var að ræða þessi mál þegar Máni lét fyrrnefnd ummæli falla. Gunnar sagðist hafa farið á BUGL því hann hafi upplifað aðskilnaðarkvíða sem barn. Máni tók þetta nærri sér og sagði:

„Það er ekki gaman að hlusta á þetta. Ég á nú dreng sem er með aðskilnaðarkvíða, svo ég veit nú hvernig þetta virkar. Þetta er einstaklega sóðalegt af þessum presti og að ég sé að borga svona hyski eftirlaun er algjörlega óboðlegt. Fyrirgefðu orðbragðið, en þessi kona er hyski og hún getur kært mig hvenær sem er,“

sagði Máni en viðtalið má hlusta á í heild sinni hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 22 klukkutímum

„Segðu yfirmanninum þínum frá“ – Hljóðupptaka bendir til þess að krónprinsinn hafi fyrirskiptað morðið

„Segðu yfirmanninum þínum frá“ – Hljóðupptaka bendir til þess að krónprinsinn hafi fyrirskiptað morðið
Fréttir
Í gær

Össur og Linda fá 4 milljónir – Handtekin af sérsveitinni fyrir framan börnin

Össur og Linda fá 4 milljónir – Handtekin af sérsveitinni fyrir framan börnin
Fréttir
Í gær

Búið að opna Sæbraut

Búið að opna Sæbraut
Fréttir
Fyrir 2 dögum

Einn af fimm tíundubekkingum á Íslandi veipar – Læknar vilja stöðva sölu án tafar

Einn af fimm tíundubekkingum á Íslandi veipar – Læknar vilja stöðva sölu án tafar
Fyrir 3 dögum

Hinar mörgu gildrur sem bíða ferðamanna í Dúbaí og á leiðinni þangað

Hinar mörgu gildrur sem bíða ferðamanna í Dúbaí og á leiðinni þangað
Fréttir
Fyrir 3 dögum

Lögreglumenn furða sig á lögreglunámi við HA: Saga mannsandans og fleiri áfangar vekja spurningar

Lögreglumenn furða sig á lögreglunámi við HA: Saga mannsandans og fleiri áfangar vekja spurningar