fbpx
Laugardagur 19.janúar 2019
Fréttir

Gylfi lætur H&M heyra það – Hvetur Íslendinga til að sniðganga „sjoppuna“

Ritstjórn DV
Miðvikudaginn 17. október 2018 06:43

Gylfi Magnússon

„Þvílík óskammfeilni! H&M er miklu dýrara hér en í Noregi, það blasir við á verðmiðunum þeirra sem sýna verð í báðum löndunum. Er H&M í Noregi þó líklega það dýrasta utan Íslands,“ segir Gylfi Magnússon, dósent við viðskiptafræðideild Háskóla Íslands.

Gylfi, sem er með doktorsgráðu í hagfræði og er fyrrverandi efnahags- og viðskiptaráðherra, lét forsvarsmenn H&M heyra það á Facebook-síðu sinni í gærkvöldi en tilefnið var viðtal við Þjóðverjann Dirk Roennefahrt, framkvæmdastjóra H&M á Íslandi og í Noregi, á Vísi í gærkvöldi.

Í viðtalinu hafnaði Dirk meðal annars gagnrýni Þorsteins Sæmundssonar, þingmanns Miðflokksins, um hátt verðlag í verslunum H&M hér á landi í samanburði við önnur lönd. Fullyrti Þorsteinn í septembermánuði síðastliðnum að verð hér á landi væri 30 prósentum hærra. Það væri auðvelt að sjá það á verðmiðum á fötum í verslunum H&M.

Þessu hafnaði Dirk og sagði að markmiðið væri að bjóða tísku og gæði á besta verðinu á sjálfbæran hátt. Fyrirtækið vilji vera samkeppnisfært á öllum mörkuðum sem það starfar við. „Við gerum verðkannanir í hverju landi þar sem við erum oftar en einu sinni á ári til að tryggja að við séum samkeppnishæf.“

H&M opnaði um helgina sínu þriðju verslun hér á landi þegar stór og mikil verslun opnaði á Hafnartorgi. Dirk segist hafa trú á því að íslenski markaðurinn sé nógu stór til að viðhalda rekstri þriggja verslana. Það hafi sýnt sig í fyrra þegar H&M opnaði.

Gylfi gefur lítið fyrir ummæli Dirks og segir það blasa við að H&M okrar á Íslendingum. Hvetur hann Íslendinga til að sniðganga verslunarrisann.

„Þvílík óskammfeilni! H&M er miklu dýrara hér en í Noregi, það blasir við á verðmiðunum þeirra sem sýna verð í báðum löndunum. Er H&M í Noregi þó líklega það dýrasta utan Íslands. Þessi þýski landsstjóri segir að verslanakeðjan geri verðkannanir reglulega á Íslandi til að sjá hvort þeir eru samkeppnishæfir. Það er hreinn útúrsnúningur enda ekki það sem spurt er um heldur hvers vegna þeir okra sérstaklega á Íslendingum umfram aðra. Enginn Íslendingur með snefil af sjálfsvirðingu ætti að stíga fæti inn í þessar sjoppur hérlendis.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

DV er komið út – Palli í Bæjarbíói, Ketóbók Gunnars Más, móðir Áslaugar glímir við framheilabilun, asískt þjófagengi og Gettu betur

DV er komið út – Palli í Bæjarbíói, Ketóbók Gunnars Más, móðir Áslaugar glímir við framheilabilun, asískt þjófagengi og Gettu betur
Fréttir
Í gær

Telur að árið verði enn eitt metárið í ferðaþjónustu

Telur að árið verði enn eitt metárið í ferðaþjónustu
Fréttir
Fyrir 2 dögum

Helga Vala neitar að hafa stolið úr búð: „Þær eru orðnar svolítið margar verslanirnar sko“

Helga Vala neitar að hafa stolið úr búð: „Þær eru orðnar svolítið margar verslanirnar sko“
Fréttir
Fyrir 2 dögum

Skattrannsóknarstjóra hótað og reynt að múta honum – Pólitískum afskiptum hótað

Skattrannsóknarstjóra hótað og reynt að múta honum – Pólitískum afskiptum hótað
Fréttir
Fyrir 3 dögum

Maðurinn með ljáinn handtekinn í Breiðholti í nótt

Maðurinn með ljáinn handtekinn í Breiðholti í nótt
Fréttir
Fyrir 4 dögum

Sævar segir sumar ljósaperur geta raskað svefni og jafnvel valdið krabbameini – Er svona pera heima hjá þér?

Sævar segir sumar ljósaperur geta raskað svefni og jafnvel valdið krabbameini – Er svona pera heima hjá þér?