Á þriðja ársfjórðungi var meðalfermetraverð seldra íbúða í hverfi 101 í Reykjavík 538.000 krónur. Þetta er um 20.000 krónum hærra meðalverð en á fjórða ársfjórðungi síðasta árs. Fermetraverðið hefur einnig hækkað í Hlíðunum, Vesturbæ og Grafarvogi. Í Breiðholti er fermetraverðið nú lægra en í árslok 2017.
Morgunblaðið skýrir frá þessu í dag. Haft er eftir Jóni Bjarka Bentssyni, aðalhagfræðingi Íslandsbanka, að miðborgarálagið sé að festa sig í sessi. Áður hafi álag á eingir miðsvæðis verið hóflegt. Hann segir að reikna megi með lægri prósentuhækkunum á verði í framtíðinni þar sem hærra verð þýði að hvert prósent vegi þyngra.