Í gögnum sem borgarstjórn sendi frá sér vegna svokallaðas braggamáls er ýmislegt að finna, eins og til dæmis að 757 þúsund krónum var eytt í strá fyrir utan braggann og að einn af verktökum í málinu hafi fengið um 106 milljónir greiddar fyrir vinnu sína án útboðs.

Svo virðist sem að þetta hafi ekki verið einu mistökin sem áttu sér stað vegna þessa verkefnis, því séu dagsetningar á greiddum reikningum skoðaðar kemur í ljós að verkefnastjórar verkefnisins þau Ólafur I Halldórsson, verkefnastjóri á skrifstofu eigna og atvinnuþróunar Reykjavíkurborgar, og Margrét Leifsdóttir, fyrrverandi starfsmaður Reykjavíkurborgar og núverandi starfsmaður Arkibúllunar hafi eytt fjármunum frá Reykjavíkurborg án samþykis borgarráðs en þann 16. ágúst samþykkti borgarráð að veita auka fjárveitingu í verkefnið. Um er að ræða 403 milljónir króna sem var búið að greiða áður en borgarráð samþykktu aukafjárveitingu fyrir verkefnið. Eini reikningurinn sem var greiddur eftir samþykkt borgarráðs hljóðaði uppá 379 krónur, samkvæmt gögnum málsins.