Hjónabandi Donald Trump Bandaríkjaforseta og eiginkonu hans Melaniu eru gerð skil í nýrri bók blaðamannsins Michael Wolf sem kemur út í dag. Meðal annars kemur þar fram að hjónin lifi engu samlífi og að Bandaríkjaforseti þekki varla níu ára gamelan son sinn. Eins og gefur að skilja er forsetinn sjálfur ekki par sáttur og heldur því fram í Twitter færslu að bókin sé uppfull af lygum.
Bókin ber titilinn Fire and Fury: Inside the Trump White House og byggir á rúmlega 200 viðtölum, meðal annars við fyrrum starfsmenn á vegum Trump.. Meðal annars kemur að Melania kona hans hafi aldrei verið fylgjandi því að hann byði sig fram til forseta Bandaríkjanna og að forsetinn sjálfur hafi aldrei átt von á því að vinna kosningarnar.
Þá kemur fram í bók Wolf að hjónin tali nær aldrei saman og oft líði fleiri dagar án þess að þau eigi nokkur samskipti. Þá sofi þau nær aldrei í sama rúmi heldur eiga sitt hvort svefnherbergið í Hvíta Húsinu.
Einnig kemur fram að allir þeir sem hafa starfað með Trump eigi erfitt með að skilja hvernig samband hans og Melaniu virkar. Þá er því haldið fram að Trump þekki varla níu ára son þeirra hjóna og að einu samskipti þeirra feðga eigi sér þegar fjölskyldan birtist saman á opinberum vettvangi.
Á öðrum stað í bókinni segir Wolf að hluti af rútínu Bandaríkjaforseta á hverju kvöldi sé að læsa sig inni í svefnherbergi aleinn og gúffa í sig ostborgurum á horfir á sjónvarpsþætti á þremur mismunandi sjónvarpstækjum. Því er haldið fram að forsetinn óttist stöðugt að eitrað verði fyrir honum og vilji því eing0ngu borða mat frá McDonalds og öðrum skyndibitastöðum þar sem maturinn er tilbúinn fyrirfram.
Í færslu á Twitter úhúðar Trump bókinni og segir hana fulla af lygum, rangfærslum og heimildum sem ekki eru til.“
I authorized Zero access to White House (actually turned him down many times) for author of phony book! I never spoke to him for book. Full of lies, misrepresentations and sources that don’t exist. Look at this guy’s past and watch what happens to him and Sloppy Steve!
— Donald J. Trump (@realDonaldTrump) January 5, 2018
