Tónlistarkonan Leoncie hefur skráð sig úr FTT, félagi tónskálda og textahöfunda. Þetta gerði hún opinbert á Facebook síðu sinni í nótt. DV greindi frá því um helgina að Leoncie hafi krafist þess að fá árgjaldið sitt, átta þúsund krónur, hjá samtökunum endurgreitt vegna lítillar spilunar á tónlist hennar á útvarpsstöðvum.

Leoncie kallar samtökin „rasistaklúbb“ og „fordómafull styrkjasníkjudýr“. „Allir þarna gerðu vinagreiða. Fjölskyldutengsl voru aðal leikurinn. Flestir af þeim voru fölsk tónskáld og raddlausir vælarar sem voru búnir að stela tónlist og breyta textum frá alls staðar í heiminum. Það eina sem skipti máli hjá FTT … voru styrkir, styrkir og fleiri styrkir. Eins og krypplingar sem gátu ekki staðið á eigin fótum án styrkja.“ Hún segir jafn framt að allt „örvæntingarfulla liðið“ haldi til Ameríku á hverju ári til að reyna að meika það. En múti erlendum blaðamönnum til þess.

Ákvörðunin virðist vera tónlistarkonunni mikill léttir. Segir hún: „It´s the happiest day of my life, because I don´t need to waste more money on Losers!“