Óvenjuleg sjón blasti við slökkviliðsmönnum í Vestmannaeyjum á nýársnótt á nýársnótt. Ekki var liðinn nema einn klukkutími af nýja árinu þegar slökkviliðið fékk sitt fyrsta útkall á árinu.
Í Facebook-færslu slökkviliðsins í Vestmannaeyjum segir að Neyðarlínunni hafi borist tilkynning um eld í uppsöfnuðum flugeldatertum við bensínsölu Tvistsins, einungis örfáa metra frá sjálfum bensíndælunum.
„Þegar slökkviliðið mætti á staðinn var lögreglan að mestu búin að slökkva þann eld sem byrjaður var að loga í ruslinu. Í framhaldinu var slökkt í glæðum og ruslinu komið í örugga fjarlægð frá dælunum.
Það virðist aldrei vera of oft brýnt fyrir fólki að tryggja það að ekki komi upp eldur eftir á í þessum tertum t.d. með því að sprauta vatni yfir þær eftir notkun og velja skynsamlega staðsetningu…….t.d. EKKI VIÐ HLIÐINA Á BENSÍNDÆLUM ?,“ segir í færslu slökkviliðsins.