fbpx
Fréttir

Karlmaður í lífshættu eftir að kampavínsflaska sprakk á milli fóta hans

Kristján Kristjánsson
Þriðjudaginn 2. janúar 2018 06:33

Danskur karlmaður er í lífshættu eftir að kampavínsflaska sprakk á milli fóta hans á gamlárskvöld. Maðurinn ætlaði að opna flöskuna og sat með hana á milli fóta sér og ætlaði að taka tappann úr henni. En þá sprakk flaskan skyndilega. Við sprenginguna skarst slagæð í læri mannsins og hann missti mikið blóð.

Hann var fluttur í skyndi á sjúkrahús en hafði misst mikið blóð þegar hann kom þangað og var í lífshættu. Hjarta hans hætti einnig að slá. Læknum tókst að koma hjarta hans aftur í gang. BT hefur eftir talsmanni lögreglunnar að samkvæmt upplýsingum frá bráðadeild ríkissjúkrahússins í Kaupmannahöfn þá sé manninum nú haldið sofandi og að hann sé enn í lífshættu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af