Verslanir H&M í Suður-Afríku hafa verið lagðar í rúst vegna auglýsingar sem sýnir ungan svartan dreng klæðast peysu sem á stendur „Svalasti apinn í frumskóginum“. Málið vakti mikla reiði í síðustu viku þar sem margir telja að um hreina kynþáttafordóma sé að ræða. H&M baðst innilegrar afsökunar á málinu og hefur því verið lofað að peysan verði ekki seld í verslunum H&M á Íslandi.

Sjá einnig: The Weeknd ætlar „aldrei að vinna aftur með H&M“

Sjá einnig: H&M biðst afsökunar á „svalasta apanum í frumskóginum“

Aðgerðasinnar EFF í Suður-Afríku tóku afsökunarbeiðnina ekki gilda og rústuðu verslunum H&M í Jóhannesarborg og Sandton-borg. Starfsfólk flúði og verslununum var lokað. Hér má sjá myndband af því sem átti sér stað.

Samkvæmt lögreglu héldu sumir á skiltum sem á stóð „H&M, segið hæ við svölustu apana“. Aðgerðasinnarnir flúðu svo þegar lögregla mætti á vettvang. Floyd Shivambu einn leiðtoga EEF birti myndir af verslununum á Twitter og sagði: „Þetta H&M kjaftæði þarf nú að þola afleiðingar rasisma síns. Allt hugsandi fólk skal vera sammála því að búðin á ekki að fá að halda áfram starfsemi í Suður-Afríku. Vel gert allir sem svöruðu rasismanum með valdi.“

That @hm nonsense of a clothing store is now facing consequences for its racism. All rational people should agree that the store should not be allowed to continue operating in South Africa. Well done to Fighters who physically confronted racism. pic.twitter.com/cgdedYGoOj

— Floyd Shivambu (@FloydShivambu) January 13, 2018