Fréttir

Ökuferðin endaði með ósköpum

Einar Þór Sigurðsson
Föstudaginn 12. janúar 2018 19:00

Héraðsdómur Suðurlands hefur dæmt 27 ára karlmann í tveggja mánaða óskilorðsbundið fangelsi. Maðurinn var ákærður fyrir að hafa, þann 15. febrúar í fyrra, ekið bifreið sinni vestur Suðurlandsveg undir áhrifum MDMA, amfetamíns og kannabisefna.

Ökuferðin endaði ofan í skurði eftir að maðurinn missti stjórn á bifreiðinni. Farþegi sem var með í för slasaðist; hlaut brot á lendarlið og mar á brjóstkassa. Við leit á manninum fundust tæp tólf grömm af amfetamíni. Maðurinn hefur ítrekað komist í kast við lögin vegna umferðarlagabrota en þegar slysið varð var þegar búið að svipta hann ökuréttindum ævilangt.

Dómurinn ítrekaði ökuleyfissviptinguna og dæmdi manninn sem fyrr segir í tveggja mánaða fangelsi. Þá var honum gert að greiða sakarkostnað sem nam rúmum 400 þúsund krónum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Pia Kjærsgaard segir Pírata glíma við unglingaveiki

Pia Kjærsgaard segir Pírata glíma við unglingaveiki
Fréttir
Í gær

Danir hrauna yfir Íslendinga: Sjá tækifæri til að senda innflytjendur og múslima til Íslands – Athugasemdakerfi Extra Bladet logar

Danir hrauna yfir Íslendinga: Sjá tækifæri til að senda innflytjendur og múslima til Íslands – Athugasemdakerfi Extra Bladet logar