fbpx
Fréttir

Ótrúleg atburðarás leiddi til handtöku foringja Yakuza-mafíunnar

Einar Þór Sigurðsson
Fimmtudaginn 11. janúar 2018 18:16

Lögreglan í Taílandi hafði á dögunum hendur í hári Shigeharu Shirai, Japana sem var eftirlýstur fyrir morð í heimalandi sínu árið 2003.

Það þykir ganga kraftaverki næst að lögregla hafi náð að handsama Shirai en segja má á að stór og mikil húðflúr á líkama hans hafi komið upp um hann.

Shirai, sem er 72 ára eða 74 samkvæmt japönskum fjölmiðlum, var myndaður úti á götu í Taílandi í ágúst síðastliðnum af áhugaljósmyndara. Shirai var ber að ofan og vöktu húðflúrin athygli margra netverja en sjálfur hafði ljósmyndarinn ekki hugmynd um skuggalega fortíð fyrirsætunnar, ef svo má segja.

Svo fór að myndin af Shirai barst japönsku lögreglunni sem hafði samband við kollega sína í Taílandi. Svo fór að Shirai var handtekinn á miðvikudag í bænum Lophuri. Yfirvöld í Japan munu fara fram á framsal og er ekki búist við öðru en að taílensk yfirvöld verði við þeirri beiðni.

Shirai þessi er grunaður um morð á fjandmanni sínum árið 2003, en sjálfur var hann hátt settur meðlimur í hinni alræmdu Yakuza-mafíu sem látið hefur mikið fyrir sér fara í undirheimum Japans undanfarna áratugi.

Að því er BBC greinir frá yfirgaf Shirai Japan árið 2005 og flutti til Taílands þar sem hann kvæntist taílenskri konu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 19 klukkutímum

Áslaug Arna minnist móður sinnar: „Sorgin fyrst er auðvitað bara ólýsanleg“

Áslaug Arna minnist móður sinnar: „Sorgin fyrst er auðvitað bara ólýsanleg“
Fréttir
Fyrir 19 klukkutímum

Rán segir fyrirtæki valta yfir Íslendinga: „Munu ganga eins langt og þau komast“

Rán segir fyrirtæki valta yfir Íslendinga: „Munu ganga eins langt og þau komast“
Fréttir
Í gær

Kristmundur Axel ákærður: Birti myndbönd af neyslu og fór í meðferð

Kristmundur Axel ákærður: Birti myndbönd af neyslu og fór í meðferð
Fréttir
Í gær

Björn varpar ljósi á eyðslu íslenskra barna í Fortnite – 10 ára piltur eyddi 150 þúsund krónum

Björn varpar ljósi á eyðslu íslenskra barna í Fortnite – 10 ára piltur eyddi 150 þúsund krónum