Fréttir

Nóg að gera hjá lögreglu í nótt: Tveir lögreglumenn urðu fyrir meiðslum

Einar Þór Sigurðsson
Mánudaginn 1. janúar 2018 10:23

Lögreglan á höfuðborgarsvæðinu sinnti yfir 150 verkefnum á gamlárskvöld og nýársnótt. Mörg þessara verkefna tengdust ölvun og ónæði og eru fangageymslur nánast fullnýttar. Í skeyti frá lögreglu kemur fram að tveir lögreglumenn hafi orðið fyrir meiðslum við vinnu sína í nótt; annar meiddist í handtöku og hinn í eftirför.

Sex ökumenn voru stöðvaðir vegna gruns um akstur undir áhrifum áfengis og/eða fíkniefna. Einn þessara ökumanna stöðvaði ekki fyrr en eftir stutta eftirför. Ökumaður og farþegi gista fangageymslur lögreglu.

Þá var manni vísað út af hóteli sökum vímuástands. Hann varð ekki við fyrirmælum lögreglu og var handtekinn og vistaður í fangageymslu. Hann veitti lögreglu mótspyrnu en var yfirbugaður.

Lögregla reyndi að koma ölvuðum manni heim til sín. Það gekk ekki og var maðurinn fluttur á lögreglustöð til vistunar. Þar varð hann æstur og reyndi að grípa til úðavopns og annars í vesti lögreglumanns. Þá reyndi hann einnig að bíta lögreglumann. Hann gistir fangageymslur.

Þá stöðvaði lögregla ökumann á níunda tímanum í gærkvöldi sem grunaður var um akstur undir áhrifum fíkniefna. Þá reyndist hann einnig vera sviptur ökuréttindum. Hann var látinn laus eftir sýnatöku en skömmu síðar hafði lögregla aftur afskipti af honum og er hann grunaður um vörslu og sölu á fíkniefnum. Hann var vistaður í fangageymslu vegna rannsóknar málsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Pia Kjærsgaard segir Pírata glíma við unglingaveiki

Pia Kjærsgaard segir Pírata glíma við unglingaveiki
Fréttir
Í gær

Danir hrauna yfir Íslendinga: Sjá tækifæri til að senda innflytjendur og múslima til Íslands – Athugasemdakerfi Extra Bladet logar

Danir hrauna yfir Íslendinga: Sjá tækifæri til að senda innflytjendur og múslima til Íslands – Athugasemdakerfi Extra Bladet logar