fbpx
Fimmtudagur 21.febrúar 2019
Fréttir

Einar hafnar því að um eitt óviðeigandi atvik sé að ræða: „Lesið bara statusinn minn“

Ágúst Borgþór Sverrisson
Föstudaginn 14. september 2018 13:30

Ekki missa af Helstu tíðindum dagsins í pósthólfið þitt

Lesa nánar

Einar Bárðason hafnar því að Bjarna Má Júlíussyni hafi verið sagt upp störfum út af einum óviðeigandi tölvupósti til samstarfsfólks. Tilvikin sé mun fleiri. Í umfjöllun Morgunblaðsins í gær kemur fram að Bjarna hafi verið sagt upp í kjölfar þess að hann sendi samstarfsfólki sínu tölvupóst þar sem hann deilir frétt á Smartlandi Morgunblaðsins þess efnis að hljólreiðar bæti kynlífið. Lét hann fylgja með athugasemdina „Þetta grunaði mig“ og broskall.

Einar Bárðason opnaði málið með harðorðri stöðufærslu á Facebook í vikunni en eiginkonu hans var sagt fyrirvaralaust upp störfum hjá Orku náttúrunnar eftir að hafa kvartað undan framkomu Bjarna. DV hafði samband við Einar og bar undir hann fréttaflutning Morgunblaðsins um málið. Einar vill ekki tjá sig frekar um málið en aðspurður hvort um þetta eina tilvik sé að ræða hafnar hann því og vísar í pistil sinn: „Lesið bara statusinn minn. Þetta er allt þar.“

Í stöðufærslu Einars um málið er að finna ásakanir um margendurtekna óviðeigandi framkomu. Til dæmis á Bjarni að hafa sagt að ein starfskona myndi aldrei ganga út vegna þess að hún væri ekki nógu gröð. Þá á hann að hafa sagt að konur geti blikkað sig upp í launum og hann á ítrekað að hafa haft upp niðrandi ummæli um konur.

Stöðufærslan er svohljóðandi:

 Var ekki örugglega Me Too bylting hérna í vetur ?

Hitti merkilegan mann í dag, eða öllu heldur ómerkilegan mann. Hann er forstjóri í stórfyrirtæki með framkvæmdastjóra sem stýrir fjölda eininga fyrir hann. Hann sýndi mér fram á að honum fyndist í lagi að framkvæmdastjóri á hans vakt sendi klámfengna tölvupósta á kvenn-undirmenn sína á laugardagskvöldum, kalli þær járnfrúr, frekjur, pempíur, grýlur, segi að konur geti blikkað sig upp í launum og í opnu starfsrými fyrir framan samstarfsfólk að ein þeirra gangi ekki út vegna þess að hún sú bara alls ekki nógu gröð. Þessum forstjóra fannst svo í lagi að reka eina þessara kvenna sem hefur ítrekað gert athugasemdir við þessa framkomu hans við starfsmannastjóra forstjórans. Karlstjórnandinn, gerandinn, heldur starfi sínu áfram og réttlætir þessi forstjóri það fyrir mér með því að viðkomandi karlstjórnandi væri að skila svo góðum niðurstöðum í rekstri.

Var ekki örugglega Me Too bylting hérna í vetur ? eða var það bara eitthvað PR dæmi ?

Mynduð þið sætta ykkur við það að hafa svona forstjóra í vinnu ?

Hvað mynduð þið gera ef að hann væri að vinna fyrir ykkur ?

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Jói B. bálreiður út í Strætó: „EKKI í lagi að henda 11 ára gömlu barni út úr vagni“

Jói B. bálreiður út í Strætó: „EKKI í lagi að henda 11 ára gömlu barni út úr vagni“
Fréttir
Í gær

Snorri var vitni að hrottalegri árás á konu í hádeginu: „Henti henni inn í runna og stappaði á henni þar“

Snorri var vitni að hrottalegri árás á konu í hádeginu: „Henti henni inn í runna og stappaði á henni þar“
Fréttir
Fyrir 2 dögum

Kona dæmd fyrir að hrækja framan í lögreglumann á 17. júní

Kona dæmd fyrir að hrækja framan í lögreglumann á 17. júní
Fréttir
Fyrir 2 dögum

Mótmælastaða þegar Nara verður fangelsuð: Beit í sundur tungu eiginmannsins og réðst á vinkonu

Mótmælastaða þegar Nara verður fangelsuð: Beit í sundur tungu eiginmannsins og réðst á vinkonu
Fréttir
Fyrir 2 dögum

Segir heilsugæsluna ekki nútímafólki bjóðandi

Segir heilsugæsluna ekki nútímafólki bjóðandi
Fréttir
Fyrir 2 dögum

Undir áhrifum fíkniefna með börn í bílnum – Ökumaður í vímu með þungaða unglingsstúlku í bílnum

Undir áhrifum fíkniefna með börn í bílnum – Ökumaður í vímu með þungaða unglingsstúlku í bílnum