39 ára gömul bresk kona, fyrrum borgarráðsstarfsmaður hjá Lundúnum, á yfir höfði sér minnst þriggja ára fangelsi fyrir þjófnað og peningaþvætti. Umrædd kona, Jenny McDonagh réð yfir styrktarsjóði sem komið var á laggirnar fyrir fórnarlömb Grenfell brunans en tókst að draga að sér háar fjárhæðir til eigin nota.
Var það hlutverk Jenny að dreifa fénu til skjólstæðinga, en upphæðirnar voru á fyrirfram greiddum kreditkortum.
Á rúmlega 11 mánaða tímabili tókst henni að draga að sér andvirði 8,6 milljón króna með því millifæra peningana yfir á eigin reikning.
Peningarnir fóru í veðmál á netinu, heimsóknir á fínar hárgreiðslustofur og máltíðir á dýrum veitingastöðum. Þá nýtti hún féð óspart til að fara í ferðalög og heimsótti Los Angeles, Dubai og síðast en ekki síst, til Íslands.
Jenny var handtekin í byrjun ágúst síðastliðnum en var sleppt að loknum yfirheyrslum. Tveimur dögum síðar tókst henni aftur að millifæra pening af einu kortanna. Hún var handtekin í annað sinn þann 29. ágúst. Í lok ágúst síðastliðinn mætti hún fyrir rétt í Westminster og játaði sig seka um þjófnað og peningaþvætti.
Við fyrirtöku málsins kallaði saksóknarinn Jenny „raðsvikara sem lifir langt yfir efni fram og hefur litla sem enga stjórn á eyðslu sinni.“