Klukkan 19.30 í gærkvöldi var tilkynnt um umferðarslys á Vesturlandsvegi við Þingvallaveg. Tvær bifreiðar lentu þarna í árekstri. Í tilkynningu kom fram að einn hefði kastast út úr annarri bifreiðinni og að tvær konur væru með höfuðáverka.
Annar ökumaðurinn er grunaður um að hafa verið undir áhrifum fíkniefna segir í tilkynningu frá lögreglunni. Ekki er vitað um alvarleika meiðsla ökumanna og farþega.