Lögreglan á Suðurnesjum handtók um helgina karlmann í annarlegu ástandi. Í skeyti lögreglu segir að maðurinn hafi verið með hvítt duft á nefinu. Í kjölfarið hafi komið í ljós að um amfetamín var að ræða og viðurkenndi hinn handtekni hafa tekið amfetamín fyrr um kvöldið.
Maðurinn reyndist jafnframt vera með amfetamín í buxnavasanum. Var hann færður á lögreglustöð til skýrslutöku vegna fíkniefnamisferlis.