Fréttir

Ömurleg sjón blasti við Kolbrúnu á leiði foreldra hennar – „Algjört virðingarleysi að koma svona að leiðum ástvina sinna“

Ari Brynjólfsson
Mánudaginn 10. september 2018 10:04

Samsett mynd: Wikimedia commons/Kolbrún Marelsdóttir

Ástvinir þeirra sem hvíla í Hvalsneskirkjugarði á Reykjanesskaga eru langþreyttir á að koma ítrekað að hundaskít á leiðunum. Foreldrar Kolbrúnar Marelsdóttur hvíla í garðinum og segir Kolbrún í samtali við DV að hún geti varla orða bundist yfir því að hún komi aftur og aftur að leiði foreldra sinna og það sé hundaskítur út um allt.

„Þetta er ömurlegt eins og þetta er, það er gjörsamlega óþolandi og algjört virðingarleysi að koma svona að leiðum ástvina sinna. Þetta er algjör viðbjóður,“ segir Kolbrún.

Hundaskítur er ekki ný til kominn í kirkjugarðinum. Faðir Kolbrúnar, sem lést í apríl á þessu ári, þreif ítrekað upp skítinn af leiði eiginkonu sinnar og kvartaði til sóknarnefndarinnar. Nú hvílir hann við hlið eiginkonu sinnar og nú eru það ástvinir hans sem þrífa upp skítinn.

„Pabbi minn fór í apríl, áður en hann dó var þetta á leiðinu hjá móður minni og ömmu minni og afa. Hann var oft búinn að þrífa þetta upp. Pabbi var líka margoft búinn að fara og ræða við þá og biðja þá um að gera eitthvað. Það eru fleiri ósáttir en við og það er margoft búið að tala við sóknarnefndina og kvarta undan þessu, en það er ekkert gert. Ég veit ekki hvað verður um kvartanirnar, það er ekkert gert.“

„Það þarf að gera eitthvað“

Kolbrún segir vandamálið ekki einskorðað við leiði foreldra sinna, hundaskít megi finna víða um kirkjugarðinn og margir aðrir hafi kvartað undan þessu. „Það er ekki hundaskítur við leiðið í hvert skipti, en mjög oft. Þetta er á fleiri leiðum en hjá okkur, það eru margir sem hafa þurft að koma að leiðum ástvina sinna svona.“ Málið hefur verið rætt í Fésbókarhópi íbúa í Sandgerði, þar kemur fram að rætt hafi verið ítrekað við eiganda hundsins en án árangurs, næsta skref sé að hafa samband við lögreglu.

Hvað vilt þú að verði gert?

„Það þarf að girða af kirkjugarðinn til að hundar séu ekki að koma þarna inn til að gera þarfir sínar á leiðum fólks, fyrst fólk þrífur ekki upp eftir þá. Það þarf að gera eitthvað.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 14 klukkutímum

„Eitt hliðarspor og fólk er tekið af lífi innan klukkustundar“

„Eitt hliðarspor og fólk er tekið af lífi innan klukkustundar“
Fréttir
Fyrir 15 klukkutímum

Elsti skjólstæðingur Fjölskylduhjálpar Íslands er 97 ára – Geta líklega ekki aðstoðað alla sem þurfa aðstoð fyrir jólin

Elsti skjólstæðingur Fjölskylduhjálpar Íslands er 97 ára – Geta líklega ekki aðstoðað alla sem þurfa aðstoð fyrir jólin
Fyrir 2 dögum

Fangi í Fossvogi

Fangi í Fossvogi
Fréttir
Fyrir 2 dögum

Vottun hf. missti faggildingu sína hjá Einkaleyfastofu

Vottun hf. missti faggildingu sína hjá Einkaleyfastofu
Fréttir
Fyrir 2 dögum
Veiparar Íslands
Fyrir 2 dögum

Svarthöfði: Ekkert hægt að gera um helgar

Svarthöfði: Ekkert hægt að gera um helgar
Fréttir
Fyrir 2 dögum

Innanlandsflug liggur niðri og röskun er á millilandaflugi vegna veðurs

Innanlandsflug liggur niðri og röskun er á millilandaflugi vegna veðurs
Fréttir
Fyrir 3 dögum

63 látnir og yfir 600 saknað í Kaliforníueldum

63 látnir og yfir 600 saknað í Kaliforníueldum
Fréttir
Fyrir 3 dögum

Niðurgangur og uppköst fjölda gesta eftir heimsókn á Skelfiskmarkaðinn – Eigendur í áfalli

Niðurgangur og uppköst fjölda gesta eftir heimsókn á Skelfiskmarkaðinn – Eigendur í áfalli