Þetta kemur fram í umfjöllun Sky. Þar segir að rúmlega 13.000 flugferðum hafi seinkað um þrjár klukkustundir eða meira á tímabilinu en þetta svarar til þess að flugferðum 3.500 farþega hafi seinkað á degi hverjum að meðaltali.
Fram kemur að seinkun hafi orðið á 1,7% af ferðum Icelandair á tímabilinu en í öðru sæti var flugfélagið Aurigny en hlutfallið hjá því félagi var 1,6%. Í þriðja sæti var síðan TUI með seinkun í 1,4% ferða.
En það er mikill munur á hvernig flugfélög raðast á listana eftir því hvort litið er á hlutfall seinkana eða fjölda seinkana. Ef litið er á fjölda seinkana þá trónir Easyjet á toppnum með 2.618 flugferðir, Ryanair er í öðru sæti með 1.868 ferðir og British Airways er í því þriðja með 1.668 ferðir. Þessi flugfélög eru með mikinn fjölda flugferða daglega og því ná þau ekki inn á hina vafasömu topplista þrátt fyrir hversu mörgum ferðum seinkaði.
Hvað varðar prósentuútreikning á seinkunum á lengri flugferðum þá stóð Norwegian sig verst þar en 2,4% ferða félagsins seinkað um þrjár klukkustundir eða meira. Þar á eftir fylgir Thomas Cook með 1,8% og í þriðja sæti er TUI með 1,6%.
