fbpx
Fréttir

Líkamsárás á starfsmannakvöldi Wow Air – Flugmaður fluttur á bráðadeild

Tómas Valgeirsson
Sunnudaginn 9. september 2018 18:02

Starfsmaður Wow Air lenti í líkamsárás síðastliðið föstudagskvöld og var fluttur á bráðadeild Landsspítalans með áverka á höfði. Frá þessu greinir Fréttablaðið og kemur þar fram að brotaþoli hafi verið flugmaður og gerandinn flugþjónn, sem nú hefur látið af störfum.

Talið er að flugþjónninn hafi ráðist á flugmanninn með matardisk og að töluvert af blóði hafi sést á vettvangi. Atvikið átti sér stað á Hard Rock Café en þar fór fram skemmtikvöld sem var skipulagt af starfsmannafélagi Wow Air. Árásarmaðurinn var handtekinn og vistaður fyrir rannsókn málsins í fangageymslu.

Svanhvít Friðriksdóttir, upplýsingafulltrúi Wow Air, staðfestir að líkamsárásin hafi átt sér stað og segir að brotaþolinn hafi fengið viðeigandi aðstoð og sé nú á batavegi.

Starfsmenn flugfélagsins fengu allir tölvupóst frá flugfélaginu um helgina en þar kemur fram að margir hefðu haft áhyggjur eftir árásina skyndilegu. Þá er minnst á að margir hafi myndir af árásinni á símum sínum og eru allir beðnir um að eyða myndunum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Drengirnir eru fundnir

Ekki missa af

Fréttir
Fyrir 19 klukkutímum

Morgunblaðið birtir orð Halldórs sem varði Downey: „Rétttrúnaður að mega ekki troða sér í sleik við konur“

Morgunblaðið birtir orð Halldórs sem varði Downey: „Rétttrúnaður að mega ekki troða sér í sleik við konur“